വൊക്കിംഗ്(Woking)
പൂന്തോട്ട നഗരിയായ വൊക്കിംഗിലായിരുന്നു ഞങ്ങളുടെ താമസം. ഒരു കാലത്ത് ലണ്ടന്‍റെ കലവറയായിരുന്ന, 'സറേ' *കൗണ്ടിയിലെ ഒരു *ബറോ. 'എവിടെ തിരിഞ്ഞൊന്നു നോക്കിയാലും അവിടെല്ലാം പൂത്ത മരങ്ങള്‍ ' എന്ന പോലെ വര്‍ണ്ണരാജി വിരിയിച്ച് പൂക്കളും പഴങ്ങളും!. എച്ച്.ജി.വെല്‍സ് 'വാര്‍ ഓഫ് ദി വേള്‍ഡ്‌സ് ' എന്ന സയന്‍സ് ഫിക്ഷനിലൂടെ അനശ്വരമാക്കിയ സ്ഥലം. ചാള്‍സ് ഡിക്കന്‍സ്, താക്കറേ(William Makepeace Thackeray), ബര്‍ണാഡ് ഷാ എന്നിവര്‍ക്കെല്ലാം വൊക്കിങ്ങുമായി ഓരോ തരത്തില്‍ ബന്ധമുണ്ട്. യു.കെയിലെ ആദ്യത്തെ ക്രിമറ്റേറിയം (1878) ഇവിടെയാണത്രേ. അവിടെ തോമസ് ഹാര്‍ഡി അന്ത്യനിദ്ര കൊള്ളുന്നു. ഇപ്പോള്‍ വൊക്കിംഗിന് ഒരു കുപ്രശസ്തി കൂടിയുണ്ട്. ക്രിക്കറ്റ് കോഴ നായകന്‍ മസര്‍ മജീദ്(Mazhar Majeed) താമസിക്കുന്നിടം!
 |
| വഴിയോര വസന്തം |
സുഖകരമായ കാലാവസ്ഥയില്‍ , വൃത്തിയുള്ള ഫുട്പാത്തിലൂടെ നടത്തം. പഴ്‌സ് മോഷ്ടിക്കപ്പെടുമോ, മാല പിടിച്ചു പറിക്കുമോ, വണ്ടി ഇടിക്കുമോ എന്നൊന്നും വേവലാതി വേണ്ട എന്ന തിരിച്ചറിവ് മനസ്സിനു വല്ലാത്തൊരു ലാഘവം പകര്‍ന്നു. വണ്ടികള്‍ റോഡിലൂടെ ഇടതടവില്ലാതെ പോകുമ്പോഴും ഹോണ്‍ അടിച്ച് ഞെട്ടിക്കുന്നില്ല. ആരും നമ്മെ നോക്കുന്നില്ല, ശ്രദ്ധിക്കുന്നില്ല. നമ്മുടെ സ്വകാര്യത നമുക്കു സ്വന്തം! ചിരിച്ചുല്ലസിച്ച് കൊച്ചുവര്‍ത്തമാനം പറഞ്ഞ് പോയ കാലം തിരിച്ചു പിടിച്ച പോലെ! മൈലുകള്‍ നടന്നപ്പോഴും ക്ഷീണം അറിഞ്ഞില്ല, ശരീരവും മനസ്സും നവം നവം!
 |
| Inside Town centre |
ആദ്യം അന്വേഷിച്ചു പോയത് എച്ച്.ജി വെല്‍സിനെയാണ്. ടൗണ്‍ സെന്‍ററില്‍, നോവല്‍ കഥാപാത്രത്തെ അനുസ്മരിപ്പിച്ച്, ഒരു മുക്കാലി രൂപമുണ്ട് (Wellsian Martian Tripod) . അദ്ദേഹം താമസിച്ചിരുന്ന മേ ബറിയില്‍ ചുറ്റി നടന്നെങ്കിലും അവിടെ ആ പേരിലുള്ള ഒരു തീയേറ്റല്ലാതെ മറ്റൊന്നും കണ്ടില്ല. ബര്‍ണാഡ് ഷായും മേ ബറിയില്‍ താമസിച്ചിരുന്നു എന്നു പറയപ്പെടുന്നു. മേ ബറിയില്‍ പാക്കിസ്ഥാനികള്‍ നടത്തുന്ന അതിഫ്-Atif സ്‌റ്റോറില്‍ നിന്നാണ് ഏത്തക്കാ, മുരിങ്ങക്കാ,മാങ്ങാ, തേങ്ങ എല്ലാം വാങ്ങുക. ചൂരിദാര്‍ കടയുമുണ്ട്. ആ തെരുവിലൂടെ നടന്നപ്പോള്‍ നല്ല വൃത്തിയുള്ള , സമ്പന്നമായ ഒരു പാക്കിസ്ഥാനില്‍ എത്തിയോ എന്നു തോന്നിപ്പോയി.
മേ ബറിയില്‍ തന്നെ ഓറിയന്റല് റോഡില്‍, വളരെ പഴയ ഷാജഹാന്‍ മോസ്‌ക്ക്. ചെറുതെങ്കിലും പ്രൗഢം, മനോഹരം.1889 ല്‍ ഭോപ്പാലിലെ രാജ്ഞി ബീഗം ഷാജഹാന്‍റെ സഹായത്തോടെ പണിത ആ മനോഹര ആരാധനാലയം അനുവാദമുണ്ടോ ഇല്ലയോ എന്ന പേടി മൂലം ക്യാമറയില്‍ പകര്‍ത്തിയില്ല. ഈ പള്ളിയും, ചാള്‍സ് ഡിക്കന്‍സ്, വില്യം മാക്പീസ് താക്കറെ എന്നിവര്‍ ജോലി ചെയ്ത ഓറിയന്റല് കോളേജും പണി കഴിപ്പിച്ചത് ഹങ്കറിക്കാരനായിരുന്ന Dr. Gottlieb Wilhelm Leitner എന്നയാളാണ്.
ഗ്രീന്‍ ബെല്‍റ്റ് സംരക്ഷണം നിര്‍ബന്ധിതമായതിനാല്‍ പാര്‍ക്കുകള്‍ എല്ലായിടവും സുലഭം. 43 ഏക്കറിലുള്ള വൊക്കിംഗ് പാര്‍ക്കില്‍ ആസൂത്രണം ചെയ്ത് വളര്‍ത്തിയ മരങ്ങളും ചെടികളും പുല്‍ത്തകിടികളും. ഒപ്പം താറാവുകള്‍ നീന്തുന്ന കുളം, തോട്. തോടിന്‍റെ തീരത്ത് വൃക്ഷലതാദികള്‍ അതിന്‍റെ സഹജസാഹചര്യത്തില്‍ വളര്‍ന്നു നില്‍ക്കുന്നു. കുട്ടികള്‍ക്കും വലിയവര്‍ക്കും കളിക്കാനും കളി പഠിക്കാനും ഉള്ള വിപുലമായ സൗകര്യങ്ങള്‍, നീന്തല്‍ പരിശീലന കുളം ഇവയുമുണ്ട്. കുട്ടികളും കുരയ്ക്കാത്ത പട്ടികളും ആസ്വദിച്ച് കളിക്കുന്നതും കണ്ടു. മദാമ്മക്കുട്ടികളെ കാണാന്‍ നല്ല ചന്തം, ഓമനത്തം. കുഞ്ഞുന്നാളില്‍ കളിക്കാന്‍ കിട്ടിയ പാവകള്‍ എല്ലാം മദാമ്മക്കുഞ്ഞുങ്ങളായിരുന്നല്ലോ, അതാവാം അങ്ങനെ തോന്നിയത്. ഇന്‍ഡ്യന്‍ പാവക്കുഞ്ഞുങ്ങള്‍ ഇല്ലായിരുന്നവല്ലോ!.
ഗോള്‍ഡ്സ്വര്‍ത്ത് (Goldsworth) പാര്‍ക്കിലെ ആസൂത്രിത തടാകത്തിനു ചുറ്റുമുള്ള നടപ്പ് രസകരമായിരുന്നു. അവിടവിടെയായി അനുവാദം വാങ്ങി മീന്‍ പിടിക്കുന്നവര്‍. പ്രകൃതി ആസ്വദിക്കുന്നവരാണ് ഇംഗ്ലീഷുകാര്‍. കണ്ടാല്‍ പേടി തോന്നുന്ന വലിയ പട്ടികളുമായി നടക്കാനിറങ്ങിയവര്‍ ധാരാളം. പലര്‍ക്കും ഒന്നില്‍ കൂടുതലുണ്ടാകും. കുരയ്ക്കാതെ യജമാനന്റെ ഹിതാനുസരണം അവ നീങ്ങിക്കൊള്ളും.
240 ഏക്കറില്‍ പരന്നു കിടക്കുന്ന ആര്‍.എച്ച്.എസ് വിസ്ലി എന്ന ബൊട്ടാണിക്കല്‍ ഉദ്യാനം മനസ്സില്‍ ഉണര്‍ത്തിയ അനുഭൂതി വാക്കിലൂടെ എങ്ങനെ പകരും?
 |
| Entrance to RHS Wisley |
 |
പൂന്തോട്ടത്തിനു കണ്ണു തട്ടാതിരിക്കാന്‍ ഒരു കോലം.:)  |
ദൈവത്തിന്റെ കൈയ്യില്‍ നിന്ന് ചായക്കിണ്ണം തട്ടിത്തൂവി പോയ പോല എന്നോ, പ്രകൃതിയുടെ ആഡംബരമെന്നോ, സൗരഭമെന്നോ, വിനോദ-വിജ്ഞാന സമന്വയമെന്നോ ? എന്താ പറയുക? കൊതിപ്പിക്കുന്ന നിറങ്ങളില്‍ പൂക്കള്‍ , പഴങ്ങള്‍, കന്യാവനങ്ങള്‍. 25ല്‍ പരം നിറങ്ങളിലുള്ള ആമ്പല്‍പ്പുവുകളും സ്വര്‍ണ്ണമത്സ്യങ്ങളും നിറഞ്ഞ തടാകം. അവിടവിടെ വെള്ളം കെട്ടിക്കിടക്കുന്ന, പാറക്കെട്ടുകളോടെയുള്ള കുന്നുകള്‍, റോസാ തോട്ടം, പുല്‍ത്തകിടികള്‍, പച്ചക്കറി ,പഴവര്‍ഗ്ഗ തോട്ടങ്ങള്‍...
 |
| മഞ്ഞയും പച്ചയും ചോപ്പുമിടകലര്‍ന്നച്ഛിന്ന കാന്തി തന്‍ കന്ദളികള്‍! (വസന്തോത്സവം, ചങ്ങമ്പുഴ) |
പണ്ട് അച്ഛന്‍ നാട്ടില്‍ ഓറഞ്ചു നട്ടുവളര്‍ത്തിയിരുന്നു. കായ്ക്കുകയും ചെയ്തു. പക്ഷേ മധുരമില്ലെന്നല്ല, പുളിയായിരുന്നു താനും. ചെടി മാത്രം പോരല്ലോ, തിരുവാതിര ഞാറ്റുവേലയും കൂടി വേണമല്ലോ....അല്ലെങ്കില്‍ കാഴ്ച്ചയില്‍ ഓറഞ്ച്. തിന്നുമ്പോള്‍ പുളിഞ്ചി!.
വിസ്ലിക്കു ഞങ്ങളെ കൊണ്ടുപോയത് മി.ലിയാക്കത്ത് അലി ആണ്.പെരുമാറ്റ മര്യാദകളും സംസാരവും എല്ലാം പക്കാ ഇംഗ്ലീഷ് കാരെ പോലെ തന്നെ. ഖുറാന്‍ വച്ചിരുന്നു ടാക്‌സിയില്‍. പറഞ്ഞ സമയത്തിനും അഞ്ചുമിനിറ്റു മുമ്പു വന്നു. കാര്‍ നമ്പര്‍ നോക്കുകയോ ഫോണ്‍ നമ്പര്‍ വാങ്ങിക്കുകയോ ഒന്നും ചെയ്തില്ല. ജനസമുദ്രമാണ്, കാറുകള്‍ കണ്ണൈത്താ ദൂരത്തോളം, എങ്ങനെ നമ്മളെ കണ്ടുപിടിക്കുമോ ആവോ എന്ന ഭയമെല്ലാം അസ്ഥാനത്താക്കി കൃത്യസമയത്ത് ഞങ്ങളുടെ മുന്നില്‍ അവതരിച്ചു തിരിച്ചു വിളിച്ചു കൊണ്ടുപോകുവാന്‍. ആ കൃത്യനിഷ്ഠ ക്ഷ പിടിച്ചു.
രാജകുടുംബം ആ രാജ്യക്കാര്‍ക്ക് നല്ലൊരു വരുമാനമാണ്. വിസ്ലി തോട്ടത്തിന്റെ പേരിലെ RHS എന്നാല്‍ Royal Horticultural Society എന്നാണ്. സര്‍വ്വം റോയല്‍ മയം.
ഇനി ഗില്‍ഫോഡിലേക്കു പോകാം...
*കൗണ്ടി- സംസ്ഥാനം എന്ന പോലെ
*ബറോ-ഡിസ്ട്രിക്ട് എന്ന പോലെ.
കാഴ്ചകളിലെ കൌതുകം അല്പവും ചോ‍രാതെ പകർന്നു തന്നതിനു നന്ദി. ബ്ലോഗുലകത്തിൽ വന്നതിനു ശേഷം ഒരുപാടു സ്ഥലങ്ങൾ കണ്ടു എന്നു പറയാം.പലരിലൂടെ. എല്ലാം സന്തോഷമുള്ള അനുഭവങ്ങൾ.
ReplyDeleteഇപ്പോൾ ഇതും കൂടെ ആയപ്പോൾ വളരെ സന്തോഷം തോന്നുന്നു.
യാത്രയൂടെ ബാക്കിഭാഗങ്ങൾക്കായി കാത്തിരിക്കുന്നു.
നല്ല വിവരണം. മുകില്‍ പറഞ്ഞപോലെ ഞാന്‍ ഇപ്പോള്‍ ലോകത്തിന്റെ വിവിധ സ്ഥലങ്ങളിലൂടെ സഞ്ചരിക്കുകയാണ്. നന്ദി ചേച്ചി..
ReplyDeleteപൂക്കളുടെ പടങ്ങളൊക്കെ നന്നായി ആസ്വദിച്ചു.
ReplyDeleteഎത്ര നോക്കീട്ടും മതിവരുന്നില്ല,
വിവരണം വായിക്കാന്‍ പിന്നീട് വരാം..
സസ്നേഹം
ആത്മ
നല്ല ചിത്രങ്ങളും വിവരണവും
ReplyDeleteപൂന്തോട്ടത്തിനു കണ്ണു തട്ടാതിരിക്കാന്‍ ഒരു കോലം...
ആ അടികുറിപ്പ് ചിത്രത്തിനു നന്നായി ചേരുന്നുണ്ട്.
അവിടെ പോയത് പോലെ ഉള്ള ഒരു സുഖം ..............
ReplyDeleteവിളക്കുകാലില്‍ പൂക്കള്‍...
ReplyDeleteമുളകുണക്കാനിട്ട പോലെ പരന്നു കിടക്കുന്ന ചുവന്ന പൂക്കള്‍.. അതോ ഇലകളോ?
അശോകമരത്തില്‍ പല നിറത്തിലുള്ള പൂക്കള്‍?...
സ്വപ്നസദൃശം...
കുശുമ്പീട്ട് വയ്യ മൈ...
യാത്രാവിവരണം നന്നായി. "പൂന്തോട്ടത്തിനു കണ്ണു തട്ടാതിരിക്കാന്‍ ഒരു കോലം..." എന്ന അടികുറിപ്പ് വായിച്ച് ചിരിച്ചൂട്ടോ. :)
ReplyDeleteഇനിയും ഇത്പോലെ ധാരാളം യാത്രകള്‍ ചെയ്യാന്‍ സാധിക്കട്ടെ എന്ന് ആശംസിക്കുന്നു.
ഹായ്! നല്ല ചിത്രങ്ങളും വിവരണവും, ഇടയ്ക്കിങ്ങനെ എവിടെയെങിലും പോകണം, എന്നിട്ടിങ്ങ്നെ എഴുതണം. മൈത്ര്യേയിയുടെ ഇംഗ്ലീഷ് സാഹിത്യ പരിചയം കാഴ്ച്ചകളെ കൂടുതൽ ആസ്വാദ്യകരമാക്കിയിട്ടുണ്ടാകണം, സുന്ദരിമാരെയാണ് ലണ്ടനിൽ കോലമാക്കി വെക്കുക (എന്ന് വായനക്കാർ പറയണമല്ലേ, എന്താ ബുദ്ധി!)
ReplyDeleteകൊതിയാവുന്നേ.. കൊതിയാവുന്നേ....
ReplyDeleteമൈത്രേയീ.. യാത്രാവിവരണങ്ങള്‍ എന്നും എന്റെ ക്രെയ്സാണ്.. പോകാന്‍ കഴിയാത്ത സ്ഥലങ്ങളൊക്കെ കണ്ടപോലെ ആവാന്‍.....
ഇങ്ങനെ വിഷ്വല്‍ ഇംപാക്റ്റോടുകൂടി എഴുതാന്‍ കഴിയുന്നതും ഒരു അപാര കഴിവുതന്നെ..
ഇനിയും ഇനിയും ഒരുപാടു സ്ഥലങ്ങളിലേക്ക് ഞങ്ങളെ കൊണ്ടുപോകാന്‍ കഴിയട്ടെ എന്ന് ആശംസിക്കുന്നു..
nice pictures.. nice description...thanks..
ReplyDeleteദൈവത്തിന്റെ നാട്ടിൽ നിന്നും സ്വർഗ്ഗത്തിലേക്കൊരു യാത്ര അല്ലേ ?
ReplyDeleteആ കോലത്തിന്റെ ഒരു ക്ലോസപ്പാവാമായിരുന്നു.
കണ്ണു തട്ടാതിരിക്കട്ടെ ഈ സഞ്ചാരിണിക്ക്.വളരെ നന്നായി, സരസമായി ഈ യാത്രാവിവരണം അവതരിപ്പിച്ചു.
ReplyDeleteനന്നായി എഴുതി കേട്ടോ. പടങ്ങളും അസ്സലായിട്ടുണ്ട്.
ReplyDeleteലോങ്ങ്‌ ഷോട്ട് എടുത്ത ചില പടങ്ങള്‍ കുറച്ചു കൂടെ അടുപ്പിക്കാമായിരുന്നു എന്നു തോന്നി.
പിന്നെ US-ഇല്‍
സ്റ്റേറ്റ് - നമ്മുടെ സ്റ്റേറ്റ് തന്നെ
കൗണ്ടിയാണ് ഡിസ്ട്രിക്ട് പോലെ
But who is this Thakre? Some thing to do with Bal Thakre?
ReplyDeleteകാഴ്ചകളെല്ലാം മനോഹരം.
ReplyDeleteഞാന്‍ ഒന്നും പറയുന്നില്ല ,ചങ്ങാതി ..കാരണം പരിഭവം ആണ് .ഇനി ഈ ആളെ ഞാന്‍ എന്ന് കാണും?വിവരണവും നന്നായി ..കൂടെ ഞാനും യാത്ര ചെയ്തപോലെ ഒരു തോന്നല്‍ .
ReplyDelete''നമ്മുടെ ചെമ്പരത്തിയും തെങ്ങും ചേനയും വാഴയും മറ്റും അവിടെ കണ്ടപ്പോള്‍ മനം കുളിര്‍ത്തു. അവിടെ നിന്നിറങ്ങുമ്പോള്‍ മനസ്സു മന്ത്രിച്ചു, ഭൂമിയില്‍ ഒരു സ്വര്‍ഗ്ഗമുണ്ടെങ്കില്‍ അത് ഇവിടെയാണ്..ഇത് വായിച്ചപ്പോള്‍ എന്റെ വീടിന് അടുത്ത് ആണ് KEW GARDENS .അത് നമ്മുക്ക് പോയി കാണാമായിരുന്നു ..ഇനി വരുമ്പോള്‍ വിളിച്ചാലും ഞാന്‍ ഇവിടെ ഇല്ല.
ബാക്കി കൂടി വിശേഷം വേഗം എഴുതണം ട്ടോ ..
മുകില്‍-സന്തോഷം, അടുത്ത ഭാഗം ഉടന്‍ വരും!വന്നു വായിച്ച് വാക്കു പാലിക്കണേ:) :)
ReplyDeleteമനോ-അതെ ശരിയാണ്. ഞാനും അങ്ങനെ കണ്ടു കുറേ സ്ഥലങ്ങള്‍, ബ്ലോഗു വഴി
ആത്മ-പൂക്കല്‍ ഇഷ്ടപ്പെട്ടുവല്ലോ, സന്തോഷം...
അനൂപ്- ചിത്രവും ഫോട്ടോയും ഇഷ്ടപ്പെട്ടുവല്ലോ, സന്തോഷം. പിന്നെ അടിക്കുറിപ്പിനുള്ള അഭിനന്ദനവും കിട്ടി ബോധിച്ചു...
മൈ ഡ്രീംസ്- അതായിരുന്നു ഞാനും ഉദ്ദേശിച്ചത്, അതു താങ്കള്‍ക്കു തോന്നിയല്ലോ, സന്തോഷം .
സ്രഞ്ജ്- അല്ല, അതു വിളക്കുകാലല്ല, Hanging flower baskest ആണ്. അതിനു വേണ്ടിയുള്ള മെറ്റല്‍ തൂണ് തന്നെയാണത്. ചുവപ്പ് ഇലകളാണ്. പിന്നെ അശോകമരമല്ല. അത് ഒരു ക്രീപ്പര്‍ ആണ്. പക്ഷേ പല നിറത്തിലുള്ള പൂക്കള്‍. ശരിക്കും കൊതിപ്പിക്കും അവ. ഇനീം വരുന്നുണ്ട്് ഇതിലും കിടിലന്‍ പടങ്ങള്‍...
അവര്‍ണ്ണന്‍- എന്താ സുഹൃത്തെ ഈ പരസ്യം? വായിച്ചിട്ടു കമന്റെഴുതുന്നതല്ലേ നല്ലത്? അല്ലാതെ എന്റെ ബ്ലോഗ് പരസ്യപ്പലക ആക്കല്ലേ.അഗ്രിഗേറ്ററില്‍ ഇട്ടാല്‍ വേണ്ടവര്‍ തെരഞ്ഞെടുത്ത് വായിച്ചു കൊള്ളും.
വായാടി-ചിരിപ്പിച്ചല.അതന്നെയാ ഉദ്ദേശിച്ചതും.ആശംസിക്കല്ലേ...കൂടുതല്‍ വിവരണം ബ്ലോഗിലെഴുതി കളയും ഞാന്‍.
ശ്രീനാഥന്‍- വായിച്ചതെല്ലാം മറന്നു പോകുന്നു ഇപ്പോള്‍. മെമ്മറി കപ്പാസിറ്റി കഴിഞ്ഞപ്പോള്‍ തന്നത്താന്‍ ഡിലീറ്റായി പോയതായിരിക്കും. അയ്യോ...അങ്ങനെ ഒരു ദുരുദ്ദേശവുമില്ല, വെറുതെ എല്ലാരും ഒന്നു ചിരിച്ചോട്ടെന്നു വച്ചു, അത്ര തന്നെ.
മൈലാഞ്ചി-ആശംസയ്ക്കുള്ള കുഴപ്പം ഞാന്‍ വായാടിയോടു പറഞ്ഞത് വായിക്കുക..നിങ്ങളുടെ സഹനശ്ക്തി പരീക്ഷിക്കും ചിലപ്പോള്‍. ആ കുടകിനെപ്പറ്റി ഒന്നെഴുതി വിട്ടു കൂടെ? നിരക്ഷരന്‍ജി എഴുതിയ പോലെ... പുതിയ സ്ഥലം ജീവിതരീതി എല്ലാം അറിയാന്‍ താല്‍പര്യമുണ്ട്.
ReplyDeleteസ്മിത- നന്ദി, വളരെ..
കലാവല്ലഭന്‍-സ്വര്‍ഗ്ഗം അല്ലെങ്കിലും വ്യത്യസ്തത അനുഭവിച്ചു. പിന്നെ കോലത്തിന്റെ ക്ലോസപ്പ് ബ്ലോഗുലകം ലിങ്ക് ഞെക്കിയാല്‍ കാണാമല്ലോ...കൂടുതല്‍ ഇട്ടു ബോറാക്കണ്ടല്ലോ.
യൂസഫ്പാ- ഇഷ്ടപ്പെട്ടന്നറിഞ്ഞതില്‍ സന്തോഷം, വളരെ...
ജെ.കെ.-അടുപ്പിച്ച പടങ്ങള്‍ ഉണ്ട്, പക്ഷേ അതിലെല്ലാം ഞങ്ങളും ഉണ്ട്.:) :).ആ ചുവന്ന ആപ്പിള്‍ പടം തന്നെ മുറിച്ചെടുത്ത് ഉണ്ടാക്കിയതാണ്.കുറച്ചു പണിതു അതിനായി.
പാവം ഞാന്‍-ആക്കിയതാ അല്ലേ?വിക്ടര്‍ യൂഗോ പാവങ്ങള്‍(Le mirable) എഴുതിയപ്പോള്‍ അതിനു ബദലായി Vanity Fair എഴുതിയ ആള്‍. നുമ്മടെ ബാല്‍ താക്കറെയുമായി ഒരു ബന്ധോമില്ലെന്ന് ഇതിനാല്‍ ബോധിപ്പിക്കുന്നു..
ശ്രീ- നന്ദി, ഇനിയും കാണാം.
സിയാ- പരിഭവിക്കല്ലേ."അത് നമ്മുക്ക് പോയി കാണാമായിരുന്നു" .വായിച്ചപ്പോള്‍ കണ്ണു നിറഞ്ഞു സന്തോഷം കൊണ്ട്.ഞാന്‍ പലവട്ടം ആലോചിച്ചതാ, സിയയേയും ബിലാത്തിപ്പട്ടണത്തേയും ഒന്നു വിളിച്ചാലോ എന്ന്. പക്ഷേ, അവിടുത്തെ ബിസി ലൈഫ് അറിയാം. അതാ വിളിക്കാത്തത്. ഇപ്പോ തോന്നുന്നു വിളിക്കാരുന്നൂന്ന്. പോയ ബുദ്ധി ഇനി ആന പിടിച്ചാ കിട്ടുവോ? സാരമില്ല, നമുക്കു കാണാന്‍ ഇനിയും അവസരം ദൈവം തരും എന്നു തന്നെ വിചാരിക്കുന്നു..
യാത്രാവിവരണം വായിച്ചൂട്ടോ....ചിത്രങ്ങൾ നന്നായി അസ്വദിച്ചു..
ReplyDeleteകൊതിപ്പിക്കുന്ന ചിത്രങ്ങള്‍ !! ഒന്ന് U.K വരെ പോകാന്‍ തോന്നുന്നു..
ReplyDeleteMazavillu Manassil viriyunnu...!
ReplyDeleteManoharam, Ashamsakal...!!!
സ്വയം യാത്ര ചെയ്തതു പോലെ സന്തോഷം......നല്ല പടങ്ങൾ..മനസ്സ് കുളിർത്തു.
ReplyDeleteമൈത്രേയി...
ReplyDeleteഅതി മനോഹരമായ ചിത്രങ്ങൾ...
അഭിനന്ദങ്ങൾ