Wednesday, May 19, 2010

നേര്‍വഴി

ഇന്നലെ വൈകുന്നേരം ഒരു കൊച്ചു യാത്ര. തിരിച്ച് വരുമ്പോള്‍ വീട്ടിലേക്കു വരാന്‍ രണ്ടു വഴി. ഒന്നു നേരെ. ഒന്നു വലത്തോട്ട്. നേരേയുള്ള റോഡ് സ്വീകരിച്ചു ഞങ്ങള്‍. മൂന്നുമിനിറ്റാകും മുന്‍പ് അടുത്ത ജംഗഷനില്‍ കൊടും ട്രാഫിക് ബ്ലോക്ക്. പതിനഞ്ചു മിനറ്റില്‍ വീട്ടില്‍ എത്തേണ്ട ഞങ്ങള്‍ എത്തിയത് ഒരു മണിക്കൂറിനു ശേഷം. ഞങ്ങളുടെ തീരുമാനം തെറ്റിപ്പോയി.....വലത്തോട്ടു തിരിയുക എന്നതായിരുന്ന ശരിയായ തീരുമാനം.

ജീവിതപ്പെരുവഴിയിലെ നാല്‍ക്കവലകളിലും ഇതുപോലെ പലയിടങ്ങളിലേക്കു പോകുന്ന വഴികളുണ്ടാകും. ഏതു വഴി സ്വീകരിക്കണമെന്ന് എടുക്കുന്ന തീരുമാനം നമ്മുടെ ജീവിതഗതി നിര്‍ണ്ണയിക്കുന്നു. ചിലപ്പോള്‍ സുഗമം. മറ്റു ചിലപ്പോള്‍ ട്രാഫിക് ബ്ലോക്ക്......

വേണ്ട സമയത്ത് ശരിയായ തീരുമാനം തോന്നുക എന്നതായിരിക്കുമോ ദൈവാനുഗ്രഹം എന്നു നമ്മള്‍ പറയുന്നത്?

എങ്ങോട്ടും തിരിയാനാവാതെ ട്രാഫിക് ബ്ലോക്കില്‍ കിടന്നപ്പോള്‍ തോന്നിയ ചിന്തകളാണേ ഇത്.