Tuesday, August 18, 2009

അകാല്‍പ്പനിക സ്വപ്‌നങ്ങള്‍

സ്വപ്‌നങ്ങളൊക്കെയും പേറ്റിക്കൊഴിച്ചപ്പോള്‍
മിയ്‌ക്കതും പതിരായ്‌ പറന്നുപോയി!

പോയതുപോകട്ടെ ബാക്കിമതിയെനിക്കെന്നു
ഞാന്‍ നെഞ്ചോടു ചേര്‍ത്തു വച്ചു!

ജീവിതസന്ധ്യയില്‍ പകച്ചൊരാ വന്ദ്യര്‍ക്കു
കൈതാങ്ങി തണലായി തീരാമെന്നോ!

മിന്നുന്ന ഭൂഷയും കനമുള്ള ശീലയും
പതയും ലഹരിയുമുണ്ടെന്നാലും
കിട്ടാ മനഃശാന്തി തേടുമാ ചുളളരെ-
യാത്മീയസ്‌നേഹത്തിന്നിരി വെട്ടത്തില്‍
ശാന്തിതീരത്തേയ്‌ക്കണയ്‌ക്കാമെന്നോ!

"ചാഞ്ചാടുണ്ണീ,ചരിഞ്ഞാടുണ്ണീ"യെന്നിനിയും
പൈതങ്ങളെ ആട്ടാമെന്നോ!
"ഓമനത്തിങ്കളും " "കൊച്ചുകുട്ടത്തിയു"മിനിയും
താരാട്ടി ഉറക്കാമെന്നോ!
"ദൈവമേ കൈതൊഴാം" ചൊല്ലിപ്പഠിപ്പിച്ചു
നേര്‍വഴിക്കൊന്നു നടത്താമെന്നോ!

നരച്ച സ്വപ്‌നങ്ങളിവയെന്നു ചൊല്ലി
മാലോകര്‍ പൊട്ടിച്ചിരിക്കുമ്പോഴും
കൈവെടിയില്ല ഞാനെന്‍ മനോരാജ്യമ-
തെന്നുമെനിക്കുമെനിക്കു മാത്രം!

6 comments:

  1. എത്രയെത്ര നടക്കാത്ത (അ)സുന്ദര സ്വപ്‌നങ്ങള്‍!

    ReplyDelete
  2. നന്നായി. ഒരു റീ-റൈറ്റിങില്‍ കുറച്ചുകൂടി മെച്ചപ്പെടുമായിരുന്നു എന്നു തോന്നി.

    ReplyDelete
  3. @കുമാരന്‍:നന്ദി
    @അരുണ്‍:ശരിയാണ്‌,എനിക്കും തോന്നി.എന്തെങ്കിലും സജഷന്‍ ഉണ്ടോ?

    ReplyDelete
  4. problem with my Malayalam fonts, so let me write in English. a good poem. "manoraajyam kaivediyaruthu. athennum thaankalude maathram"

    ReplyDelete